Ciidamada Xarakada Shabaabul Mujaahidiin qeybta ka dagaalanta gudaha magaalada Muqidsho waxey habeenkii xalay dagaal culus u qaadeen fariisin maleeshiyaatka dowlada Ridada gaar ahaan kuwa nabadsugida ay ka sameysteen qeybo ka mid ah Suuqa Bakaaraha.
Fariisinka sida gaarka ah loogu weeraray maleeshiyaatka dowlada waxey ka sameysteen agagaarka suuqa Daawada,iyadoona dagaalkan la isku adeegsaday hubka noocyadiisa kala duwan.
Si rasmi ah looma xaqiijin khasaaraha maleeshiyaatka dowlada lagu gaarsiiyay dagaalkan xalay ka dhacay qeybo ka mid ah suuqa Bakaaraha.
Dhanka kale Qarax Bam ayaa lagu weeraray maleeshiyaat ka tirsan dowlada Farmaajo oo ku sugnaay afafka hore garoonka Diyaaradaha Muqdisho,waxaa qaraxan Bam lagu dilay Labo askari tiro kalane waa lagu dhaawacay.
Sidoo kale Qarax Bam ayaa lagu weeraray Saldhiga degmada Howlwadaag ee Muqdisho,iyadoona qaraxan Bam uu sababay khasaara kala duwan oo maleeshiyaatka Murtadiinta soo gaartay.
Qarax Bam ayaa sidoo kale lagu weeraray maleeshiyaat ka tirsan dowlada oo isbaaro u taala agagaarka daaraha Ceymiska degmada Yaaqshiid taasi oo sidoo kale sababtay khasaara soo gaartay tiro askar ah.
Maalintii shalay ayeey aheed markii weerar qorsheysan oo Shabaabul Mujaahidiin ka fuliyeen qeybo ka mid ah xaafada Fagax ee degmada Yaaqshiid ay ku dileen hal askari oo maleeshiyaatka Xasilinta ah mid kalane weey ku dhaawaceen weerarkaasi.
Calamada.com
