Dagaal culus ayaa habeenkii xalay ka dhacay degmada Mahadaay oo ka mid ah degmooyinka Gobalka Shabeelada dhexe ay kaga suganyihiin maleeshiyaatka dowlada iyo kuwa Burundi.
Ciidamada Xarakada Alshabaab waxey weeraro culus si gaar ah ugu qaadeen fariisin maleeshiyaatka Ridada ay ka sameysteen Buundada degmada iyo saldhig cusub oo maamulka dowlada Farmaajo ugu magacaaban degmada Mahadaay dhawaan dhismihiisu ka bilaabay agagaarka Buundada degmadaasi.
Dagaalka waxaa la isku adeegsaday hubka noocyadiisa kala duwan,iyadoona ciidamada Shabaabul Mujaahidiin habeenkii xalay ay la wareegeen qeybo ka mid ah degmadaasi.
Dadka degmada ayaa xaqiijiyay in ciidamada Shabaabul Mujaahidiin dab qabadsiiyeen oo gabi ahaanba ay gubeen saldhiga cusub ee dhismihiisu ka socday agagaarka Buundada degmadaasi.
Sidoo kale Dagaalkaasi waxaa lagu dilay Tobaneeyo isugu jirta saraakiisha iyo maleeshiyaatka dowlada ee ku sugnaay Labada saldhig ee weerarka culus habeenkii xalay uu ka dhacay.
Saraakiisha weerarka lagu dilay waxaa ka mid ah sarkaal magaciisa lagu soo gaabiyay Saydow oo ahaa sarkaal si aad ah u dhibay shacabka degmada Mahadaay.
Saraakiisha Weerarkii xalay lagu dhaawacay waxaa ka mid ah Daahir Xeysow oo ah taliyaha fariisinka Buundada kaasi oo la xaqiijiyay in Gacan uu ka jabay.
Sidoo kale saraakiisha lagu dhaawacay Weerarkaasi waxaa ka mida sarkaal magaciisa lagu soo gaabiyay Jid-haye,waxaa sidoo kale jiro saraakiil kale oo iyaguna ku dhaawacmay weerarkaasi.
Degmada Mahadaay waxaa gudaheeda iyo duleedkeeda maalmihii u dambeeyay ka dhacayay weeraro khasaara culus lagu gaarsiiyay ciidamada shisheeye iyo maleeshiyaatka dowlada ee kabo qaadka u ah gaalada soo duushay.
Calamada.com
