Isku dhacyo hubeysan ayaa xalay deegaan lagu magacaabo Qararo oo ka tirsan gobolka Sool ee waqooyiga Soomaaliya ku dhexmaray maleeshiyaad kala taabacsan maamul goboleedyada ashahaada la diriaka ah ee Puntland iyo Somaliland, Halkaas oo laga dareemayay xiisado colaadeed.
Sargaal u hadlay maleeshiyaadka maamul goboleedka ashahaada la dirirka ah ee Somaliland ayaa sheegay in iska hor’imaadyada ay ka dambeeyeen ka dib markii maleeshiyaad taabacsan maamulka Riddada ah ee Puntland ay weerar ku qaadeen maleeshiyaad ku xiran maamulka Muuse Biixi, ka dibna uu halkaasi ka dhacay iska hor’imaad in muddaa socday.
Ilo wareedyo kale ayaa tibaaxaya in 2-da maleeshiyo ee ay iska hor’imaayadu dhex mareen ay kasoo kala baxeen degmada Buuhoodle iyo deegaan lagu magacaabo Widhwidh, Oo ka tirsan gobolka Sool.
Inkastoo aan si rasmi ah o ogayn khasaaraha soo kala gaaray dhinacyada haddana sargaal ka tirsan maamulka Ridada ah ee fadhigeesu yahay magaalada Hargaysa oo lagu magacaabo murtad Cabdullaahi Dhagaweyne ayaa sheegay inay khasaaraha ugu badan soo gaareen maleeshiyaadka maamulka Deni.
Ma ahan markii ugu horraysay oo isku dhacyo uu dhiig ku daatay ay dhex maraan 2 maleeshiyo oo kala taabacsan maamullada Somaliland iyo Puntland, Dhowaan ayay ahayd markii xiisado colaadeed laga soo sheegay degaanka Boocame ee isla gobolka Sool ka dib markii ay deegaankaasi la wareegeen maleeshiyaad ka tirsan maamulka Ridada ah ee la magac baxay Somaliland.
