Waxaa sii xoogeystay dagaalka u dhaxeeya dowladda federaalka Xabashida Itoobiya iyo maamul gobaleedka Xabashida ee Tigreega, Iyadoona labada dhinac ay is weydaarsanayaan hubka culus.
Dagaal galabta ka dhacay xadka u dhaxeeya gobalka Tigrey iyo Itoobiya inteeda kale ayaa khasaara culus lagu gaarsiiyay ciidamada daacadda u ah Abey Axmed waxaana laga gubay tiro gaadiid ah kuwoo kalane waa laga qabsaday.
R/wasaaraha Itoobiya Abey Axmed oo shir jaraa id qabtay ayaa xaqiijiyay in tiro askar ah kaga dhimatay tiro kalane kaga dhaawacantay dagaalka socda ee u dhaxeeya maamulkiisa iyo midka Tigrey-ga.
Dhinaca kale madaxweynaha ismaamul goboleedka Tigray ayaa shir jaraa’id ku sheegay in ay iska caabiyeen weerar uga yimid ciidamada Abiy islamarkaana ay xireen dhammaan duulimaadyadii diyaaradaha ee gobolka aadi jiray.
Gaaska waqooyi ee melleteriga Xabashida ayaa ku dhawaaqay in uu lasaftay shacabka qowmiyadda Tigreega uuna kasoo horjeedo duullaanka uu Abiy Axmed Iclaamiyay.
Madaxweynaha maamulka Xabashida Itoobiya ugu magacaaban dhulka Somali Galbeed ayaa dhankiisa shaaciyay iney si aad ah ugu faraxsanyihiin weerarka Abey Axmed uu ku qaaday maamulka Tigreyga, Waxa uuna cadeeyay iney garab taaganyihiin Abey Axmed.
Calamada.com
