Waxaa maanta markale dib u billowday dagaalka ka socda magaalada Laascaanood ee xarunta gobolka Sool kaas oo u dhaxeeya dadka deegaanka iyo maleeshiyaadka maamulka ashahaada la dirirka ah ee Somaliland, ka dib markii xalay ay magaaladaasi marti gelisay duqaymihii ugu xoogganaa abid.
Wararka ka imaanaya magaalada Laascaanood ayaa sheegaya in dagaallo goos ah laga maqlayo gudaha magaalada iyo nawaaxigeeda, kaas oo u dhaxeeya dadka deegaanka iyo maleeshiyaadka maamulka ashahaada la dirirka ah ee isku magacaabay Somaliland.
Jugta madaafiicda ayaa maalintii 9-aad laga maqlayaa magaalada Laascaanood kuwaas oo ku hoobanaya xaafadaha ay dadka rayidka ah deganyihiin, dadka deegaanka ee dagaalka kula jira maamulka murtad Muuse Biixi ayaana soo sheegay in madaafiic aan loo meel dayin ay maamulkan ka gaysanayaan Laascaanood.
Madaafiic ugu xooggan ayay dadka deegaanku sheegeen in maleeshiyaadka maamulka Hargaysa xalay ku garaaceen xaafadaha kala duwan ee magaalada iyadoo la wariyay in uu jiro khasaare ka dhashay madaafiicda ay adeegsanayaan maleeshiyaadka Somaliland.
