Waxaa maalinkii saddexaad galay dagaalka dib uga qarxay magaalada Laascaanood ee xarunta gobolka Sool, kaas oo u dhaxeeya maleeshiyaadka dadka deegaanka iyo kuwa maamulka ashahaada la dirirak ah ee Somaliland.
Dagaalka ayaa saaka markale ka qarxay duledka magaalada Laascaanood gaar ahaan bariga, halkaas oo ay isku fara saareen maleeshiyada maamulka ashahaada la dirirka ah ee Somaliland iyo dadka deegaanka, ilo wareedyo ku sugan magaalada ayaana soo sheegay inay dadku kusoo tuuseen jugta madaafiicda iyo rassaasta dagaalka.
Dadka deegaanka ayaa guulo ka sheeganaya dagaalka socda wallow maamulka Riddada ah ee Somaliland uu xalay shaaciyay in uu la wareegay gacan ku haynta magaalada basle ay magaaladu saakay markale ku waabariisatay dagaal xooggan.
Maleeshiyaadka maamulka ashahaada la dirirka ah ee Muuse Biixi ayaa madaafiic culus ku asqeeyay magaalada gaar ahaan kaabeyaasha muhiimka ah sida xarumaha Korontada iyo biyaha iyo waliba goobaha caafimaadka, waxayna tani keentay in dadka shacabka ah ay badi magaalada isaga barakacaan.
Khasaare baaxad leh oo isugu jira dhimasho dhaawac iyo burbur hantiyeed oo xooggan ayaa ka dhashay dagaallada dib uga soo cosboonaaday Laascaanood, inka badan 100 qof oo u badan shacabka magaalada ayaa ku leday dagaalka tan iyo labadii maalin ee ay dagaalladu ka socdeen xarun goboleedka Sool.
