Dagaalyahanno ka tirsan xarakada Mujaahidiinta Al-shabaab waxay saacadihii lasoo dhaafay weeraro toos ah ku qaadeen saldhigyo iyo xarumo ciidan oo ciidamada shisheeye ay ka samaysteen gobolada Bay iyo Bakool iyo Jubbooyinka.
Weerarka koowaad oo ahaa kuwa saf ah waxay ciidamada xarakada Mujaahidiinta Al-shabaab ku qaadeen saldhigyada ciidamada dowladda Kenya ay ka samaysteen deegaannada Kulbiyow iyo Cabdalla Biroole ee wilaayada Jubbooyinka.
Ilo wareedyo masuul ah waxay soo wariyeen in iska hor’imaadyi hubeysan ay ka dhaceen saldhigyada ciidamada Kenya. waxaana jira khasaare kala duwan oo Kenyaatiga kasoo gaaray dagaallada.
Dhanka kale waxay ciidamada jamhadda Mujaahidiintu saacadihii lasoo dhaafay dagaallo safmareen ah ku qaadeen saldhigyada ciidamada xabashida Itoobiya ay ka samaysteen garoomada macmalka ah ee degmooyinka Xudur iyo Waajid.
Dagaalladu waxay ahaayeen kuwa la isku adeegsaday hubka noocyadiisa kala duwan waxayna ilo xog-ogaal ah oo ku sugan wilaayada Bay iyo Bakool ay soo wariyeen in dagaalladan si xun loogu jabiyay ciidamada Axmaarada ee ku go’doonsan Xudur iyo Waajid.
Halkan Kala Soco Wararka Deg Dega Ah Ee Website-ka Calamada.
Calamada.com
