Tobanaan qof ayaa ku dhintay iska hor’imaadyo markale dib uga qarxay xuduud beenaadyada ah wadaagaan wadamada Itoobiya iyo Kenya.
Wararka ka imaanaya degmada Mooyaale ee xuduud beenaadka dhacda ayaa sheegaya in iska hor’imaadyo u dhaxeeya Oromada iyo Soomaalida ay markale dib usoo cusboonaadeen.
Ugu yaraan 10 qof oo dhinacyadii dagaallamay ah ayaa la xaqiijiyay in ay ku dhinteen dagaalkii cuslaa ee saaka ka qarxay degmada Mooyaale,maleeshiyaadka Oromada ayaa la xaqiijiyay in ay duullaanka ku qaadeen xaafado dadka Soomaalida ah deganyihiin kadibna waxaa qarxay dagaal culus.
Dad Soomaali ah oo kasoo jeeday dhanka dhulka Soomaalida NFD ee Kenya gummeysato ayaa la sheegay in ay dagaalka ku biireen, goob joogayaal ayaa sheegay in barakac xooggan uu kajiro degmada Mooyaale.
Dowladaha Kenya iyo Itoobiya ayaa larumeysanyahay in ay gadaal ka riixayaan colaadda udhaxaysa dadka musliminta iyo Oromada oo labadan dowladood ay dhulalkooda xoog ku heystaan.
5 bilood ka hor ayay dagaallo dad badan ku dhinteen sidaan oo kale uga qarxeen degmada Mooyaale oo dhacda xuduud beenaadka kala qeybiya wadamada Kenya,Itoobiya iyo Soomaaliya.
