Weeraro hor leh ayaa lagu qaaday qaar ka mida saldhigyada ciidamada kuffaarta Kenya iyo maleeshiyaadka murtadiinta ay ka deganyihiin qaybo ka mida gobollada koonfurta Somalia.
Saldhigyada ay ciidamada xarakada Mujaahidiinta Al-shabaab weerareen waxaa ka mida saldhigyada Kenyaanku ku leeyihiin deegaannada Hoosingow iyo Taabto xogaha la helayana waxay tilmaamayaan in khasaare laxaad leh ay ka dhahseen dagaallada.
Waxay sidoo kale ciidanka Mujaahidiintu weeraro abaabulan ku qaadeen saldhigyada Xabashida Itoobiya iyo maleeshiyaadka dowladda Ridada ay ku leeyihiin deegaamo ka tirsan gobollada Baay iyo shabeellaha hoose.
Mujaahidiintu waxay weerar khasaare dhaliyay kala dul dhaceen saldhigga ciidamada kuffaarta Itoobiya ee deegaanka Owdiinle ee duleedka magaalada Baydhaba ee gobolka Baay, waxaana jira dhimasho iyo dhaawac ka dhashay weerarka.
Shabeellaha hoosena waxay Mujaahidiintu weerareen saldhigga maleeshiyaadka murtadiinta ee degmada Owdheegle, duleedka magaalada Muqdishana gaar ahaan deegaanka Garasbaaley waxaa ka dhacay qarax khasaare dhaliyay.
Dagaallo culus oo u dhaxeeyay ciidamada Mujaahidiinta iyo maleeshiyaad murtadiin ah ayaa iyana ka dhacay saldhiga maleeshiyaadka maamulka ashahaada la dirirka Jubbaland ay ka deganyihiin degmada Afmadow ee wilaayada Jubbooyinka, khasaare kala duwan ayaana laga soo wariyay.
Calamada.com
