Ciidamada Mujaahidiinta ee Wilaayada Islaamiga ee Hiiraan ayaa isku fidiyay qaybo kamid ah wadada laamiga ah ee isku xirta magaalooyinka Baladweyne iyo Buulaburde ee Wilaayadda Hiiraan halkaas oo maalmihii lasoo dhaafay dagaallo ay ka socdeen.
Ciidamada Mujaahidiinta ayaa si buuxda gacanta ugu dhigay qaybaha ugu muhiimsan wadada laamiga ah ee u dhaxaysa Baladweyne iyo Buulaburde, waxaana ay saldhigyo ka samaysteen magaalooyinka iyo tuulooyin ku yaalla wadada laamiga ah.
Magaalooyinta Nuur-Fanax iyo Garasyaani ayaa kamid ah goobaha ay Mujaahidiintu gacanta ku dhigeen, kana samaysteen Saldhigyo, maleeshiyaatka Ridada iyo kuwii macawiislayda ayaa dib ugu gurtay Magaalooyinka Baladweyne, Halgan iyo Buulaburde, halka magaalooyinka iyo tuulooyinka u dhexeeya magaalooyinkaas ay Mujaahidiintu la wareegeen.
La wareegitaanka ciidamada Mujaahidiinta ee wadada laamiga ah ayaa ku qasabtay Saraakiil ay kamid yihiin murtad Cali Jayte iyo xildhibaan Macalmuu inay shalay oo Isniin ahayd diyaarad ka raacaan Baladweyne kuna tagaan Buulaburde.
Deegaanka Jiciboow oo 20km u jira Buulaburde ayay sidoo kale ciidamada Mujaahidiintu su buuxda ula wareegeen, arinkaas oo isaguna kala jaraya isku socodkii maleeshiyaatka Ridada iyo macawiislayda ee inta u dhaxaysa magaalooyinka Halgan iyo Buulaburde.
