Siciid Cabdullaahi Deni oo ah madaxa maamul goboleedka Ashahaada la dirirka ah ee Puntland ayaa si adag uga soo horjeestay qodobbo kasoo baxay shir magaalada Muqdisho uga socday, Xasan Sheekh Maxamuud oo ah madaxa kooxda Riddada Soomaaliya, Axmed Madoobe oo ah madaxa maamul goboleedka Riddada Jubbaland, Cabdicasiis Laftagareen oo ah madaxa maamulka la baxay Koonfur galbeed, Cali Guudlaawe oo Hirshabeelle ah iyo Qoorqoor oo madaxa ka ah maamulka la baxay Galmudug.
Deni oo khudbad ka jeedinayay Garoowe oo caasimad uu ka dhigtay maamulkiisa ashahaada la dirirka ah ayaa sheegay in uusan qusaynin qodobbada kasoo baxay shirkaasi caasimadda Muqdisho uga socday Xasan Gurguurte iyo madaxda kale, wuxuuna carrrabka ku dhuftay in shirkaasi uu yahay mid aan loo dhamayn oo uu maamulkiisa ka maqan yahay, aana lagu raadin karin maslaxadda umadda Soomaaliyeed.
“Dhowr qof go’aanno ay soo saaraan oo aan runtii ka turjumayn bulshada dareenkeeda, waqtiga ayay sii dilaysaa, waxaan rajeynayaa inuu caqligu taliyo. Waxaan rajeynayaa dadkani inay si sax ah u abbaaraan xaaladaha murugsan ee dalka ka jira,” waxaa sidaas Garoowe ka sheegay Siciid Deni oo ka hadlayay shirka uu maamulkiisa horay u daaqacay ee Muqdisho ugu soo dhamaaday Xasan Sheekh iyo madaxda maamullada kale.
