Idaacadda islaamiga Andalus waxay caawa Allaah fadligiis si rasmi ah u daahfurtay barnaamijka Tartan aqooneedka bisha barakaysan ee Ramadaan ee sannadkaan 1445H oo ah barnaamij xiiso badan oo looga bartay idaacadda, kuna tartamaan bulshada muslimka ah.
Barnaamijkan xiisaha badan, si la mida Ramadaantii lasoo dhaafay waxaa ku tartami doono majmuucaad ka kooban 10 koox, oo u kala tartami doono 10-ka wilaayo ee dhaca koonfurta iyo bartamaha Soomaaliya, waxaa habeen walba miiska tartan aqooneedka Andalus isku arki doono oo dabcan (ku tartami doono) shan wilaayo, halka 5-ta kalena ay qaadan doonaan habeenka xiga, tartan aqooneedka idaacadda ayaana billaabmi doona habeenka 2-aad ee Ramadaan oo ah habeen dambe oo Arbaco ah.
Halkan Ka Dhagayso Daahfurka Barnaamijka Tartan Aqooneedka Andalus 1445 Hijri.
