Degmada Ceelbuur ee wilaayada islaamiga ee Galgaduud waxaa maalintii labaad oo xiriir ah ka babanaysa raayada Towxiidka, ka dib markii uu Allaah Subxaanahu watacalaa rucbi iyo argagax uu ku riday ciidankii huwanta ahaa ee isugu jiray saliibiyiinta Maraykanka iyo kuwa Danab ee maalmo ka hor duullaanka ashahaada la dirirka ah kusoo galay degmadan, taasi oo keentay inay isaga cararaan Ceelbuur.
Wariye Liibaan Cabdiraxmaan oo ka mid ah wariyeyaasha Andalus ayaa gudaha u galay degmada Ceelbuur, saacado uun kaddib markii ay halkaasi isaga carareen huwantii uu hoggaaminayay Maraykanka, Wariye Liibaan ayaa sheegay in raadad muuqda oo khasaare ah ay maleeshiyaadka Riddadu kaga tageen degmada, gaari ciidan oo laga qarxiyay iyo burbur baahsan ayuu sheegay in uu dhaayihiisa saaray.
Dhowaan ayay ahayd markii ay mujaahidiintu dib ula wareegeen gacan ku haynta degmooyinka Ceelbuur, Ceeldheer Galcad iyo deegaannada kala ah Cowsweyne Budbud iyo Masagawaay oo dhamaantood wada dhaca bariga wilaayada islaamiga ah ee Galgaduud, waxayna dhamaan deegaanadan xoroobeen kadib markii uu dhacay weerarkii barakasynaa ee ay mujaahidiintu cagta ku mariyeen saldhigyadii murtadiinta ee deegaanka Cowsweyne.
