Taliska ciidamada mujaahidiinta ayaa war horudhac ah kasoo saaray weerarada is xig-xigay ee aroornimadii hore ee saaka ay mujaahidiintu kula jarmaadeen saldhigyada maleeshiyaadka murtadiinta ay kaga suganyihiin deegaannada Baardheere iyo Baarsanguuni oo kala dhaca duleedyada Beledweyne iyo Kismaayo ee koonfurta iyo bartamaha Soomaaliya.
Taliska ayaa qoraalkiisa ku xaqiijiyay in khasaaraha horudhaca ah ee weerarka Baardheere uu yahay 15 xubnood oo dhimasho ah iyo dhaawaca 12 murtadiinta halka dhanka gaadiidka la gubayna ay yihiin 2 gaari. halka weeraradii ka dhacay Baarsanguuni iyo duleedkeedana ay yihiin 17 dhimasho ah.
“Ciidamada Mujaahidiintu waxay saakay oo Arbaco ah weeraro ku qaadeen saldhigyada ciidamada ridada ah ee deegaanka Baar-sanguuni ee duleedka Kismaayo ee Jubada Hoose iyo deegaanka Baardheere ee duleedka Baladweyne ee Hiiraan. Halkaas waxaa ku sugnaa ciidamo kala duwan oo kuwa ridada ah oo ay saliibiyiintu usoo carbiyeen la dagaalanka ku dhaqanka shareecada Islaamka. ciidamada Mujaahidiintu waxay si buuxda gacanta ugu dhigeen labada saldhig ee ay murtadiintu ku sugnaayeen. Waxaa halkaas cadawga lagu gaarsiiyay khasaare dhimasho iyo dhaawac iskugu jira, waxaana laga gubay gadiid ciidan. Dhanka kale, Mujaahidiintu waxay kamiin u dhigeen ciidamo gurmad ah oo kasoo baxay degmooyinka Kismaayo iyo Baladweyne. Khasaaraha hordhaca ah ee cadawga kasoo gaaray weerarka Baardheere waa 15 dhimasho ah, 12 dhaawac ah iyo 2 gaari oo la gubay. Khasaaraha Baar-sanguuni waaa 17 dhimasho ah. Faahfaahin intaas ka badan dib ayaan kasoo gudbin doonaa insha-Allaah”. waxaa sidaas lagu yiri warka kasoo baxay taliska ciidanka mujaahidiinta oo uu ku saxiixnaa afhayeenka ciidamada mujaahidiinta Sheekh Cabdicasiis Abuu Muscab.
