Warar dheeraad ah ayaa kasoo baxaya weerar xagga cirka ah oo shalay ka dhacay deegaan kaabiga ku haya magaalada Jilib ee gobolka Jubba dhexe.
Wararka ka imaanaya Jubbada dhexe ayaa sheegaya in duqeyn shalay gelinkii dambe ka dhacday deegaanka Hoombooy oo qiyaastii 18Km dhanka Bariga uga beegan Jilib lagu dilay nin beeralay ah xilli uu salaadda Casar ku tukanayay gudaha beertiisa.
Goob joogayaal ayaa sheegay in diyaarad Drone ah ay gantaal laheshay wiil dhalinyara ah oo lagu magacaabi jiray Siidi Max’med Macallim oo 22 sana jir ahaa, ehelka ruuxa lagu dilay duqeynta diyaaradaha Mareykanka ayaa warbaahinta u sheegay in jugta duqeynta laga maqlay meel fog fog.
Siidi Max’med Macallim ayaa kasoo jeeda qoys caan ku ah tacabka beeraha, dowladda Mareykanka ayaa war ay soo saartay ku sheegatay mas’uuliyadda duqeynta iyadoo qofka shacabka ah ee ay dishay ku tilmaamtay Argagaxiso Al Shabaab katirsan!.
Marwalba oo Mareykanku duqeyn ku dilo dad shacab ah ayuu marmarsiimo uga dhigtaa in ay beegsadeen dagaalyahanno katirsan Xarakada Shabaabul Mujaahidiin, dilka Siidii Max’med Macallin ayaa ku biiraya tobanaan tacadiyo joogta ah oo taliska AFRICOM sanad walba ka geysto gobollo dhaca Koonfurta iyo bartamaha Soomaaliya.
Halkan ka degso Ehelka Ninka ladilay oo warbaahinta lahadlay MP3
