Xarakada Mujaahidiinta Al-Shabaab ayaa markii ugu horreysay war rasmi ah kasoo saartay heshiiskii dhawaan dhexmaray Maamulka Farmaajo iyo Dowladda Itoobiya kaas oo Afar kamid ah dekedaha Soomaaliya loogu saxiixay in lagu wareejiyo dowladda Itoobiya.
Sheekh Mahad Warsamae “ Abu Cabdi Raxmaan” oo kamid ah mas’uuliyiinta sar sare ee Al-Shabaab ayaa hadal uu maanta oo Talaada ah siiyay Idaacada Islaamiga ah ee Andalus wuxuu ku sheegay in qorshaha Itoobiya loogu gacan gelinayo dekedaha Soomaaliyeed uu yahay qayb kamid ah damacii Itoobiya ee ahaa in ay Soomaaliya oo dhan qabsato.
Sheekh Mahad Warsame ayaa ka dhawaajiyay in dadka Soomaaliyeed ay qarniyo dhaadheer oo lasoo dhaafay ay Itoobiya dagaallo lagu hoobtay kula jireen si ay iskaga caabiyaan damaceeda gurracan ee ah in ay dhulka Soomaaliyeed wada qabsato.
“Jihaadka dadkii naga horreeyay ay la galeen Xabashida Itoobiya, ee khalqiga aan yarayn ee Muslimiin ah ay ku shahiideen oo uu ku jiro Hogaamiyihii Muslimiinta Axmad Gureey, Malaayiin gaalo ahna lagu laayay, waxaas oo halgan ah waxa loosoo galay waxay aheyd in Diinta Islaamka iyo Dadka Muslimiinta ah lagu difaaco, Damaca gurracan ee Gaaladaas xabashidana la iskaga caabiyo” ayuu yiri Sheekh Mahad.
Mar uu soo hadal qaaday damaca fog ee Itoobiya ku doonayso in ay ku qabsato dhulka Soomaaliya ayuu sheegay in waxa socda ay yihiin xaqiijinta hadaf fog oo ay ka laheyd dalka.
“Xabashidu marnaba maankeeda kama boxo in ay inta ka dhiman dhulalkii Muslimiinta gacanta ku dhigto, xoog ama xeelad middii ay doonto haku qabsato, Imaaradii ugu dambeysey ee Muqdisho ku taallay waa tii qabsatay dabayaaqadii 2006 iyadoo ay horboodayaan canaasiir Murtadiin ah oo dadkoodii iyo dalkiiba gatay, berigaas xabashidu waa lawada xusuustaa, iyagoo lugaynaya ayay badda Xeebta Muqdisho istaageen, qoryihii ayay foodda biyaha badda u geliyeen, iyagoo aaminay in ay wax Soomaali la yiraahdo u dhammaatay mar haddii ay Muqdisho muruq ku qabsadeen bale Laba sano oo Jihaad aanan waxba la iskula harin, Rag badan oo Mujaahidiin ahna ay naftoodii u hureen, Jihaadkaas kadib Ilaahay wuxuu qadaray in Itoobiya in ay Soomaaliya oo dhan lug uga baxdo, damaceedii guracnaana uu beenoobay”ayuu hadalkiisa sii raaciyay sheekh Mahad.
Sheekha ayaa hadalkiisasii raaciyay in heshiiska dekedaha lagu siiyay Itoobiya iyo hadalkii Abiy Axmad ee ahaa in Soomaaliya iyo Itoobiya la mideyn doono uu yahay qorshe deggan oo ay qasab tahay in hogaamiyeyaasha Itoobiya ay hirgeliyaan, xoog ama xeelad mideey doonaan haku keenaane.
Sheekh Mahad ayaa sheegay in Itoobiya ay in muddo ah si hoose ugu hawlaneed qorshaha la wareegitaanka dekedaha, isla markaana ay jirto waddo lagasoo bixiyay gudaha Itoobiya lana doonayay in lasoo geliyo dekeda Hobyo oo kamid ah dekedaha Xabashida lagu wareejiyay, balse ay Mujaahidiintu ka hortageen oo lagu joojiyay nawaaxiga Magaalada Caabud Waaq ee Wilaayada Galguduud, taas oo keentay in Itoobiyaanku ay maleeshiyaat ku aruuriyaan Dhuusamareeb si ay wadadaas xoog ugu furan.
Masuulkan ka tirsan hoggaanka sare ee Xarakada Al-Shabaab ayaa ka digay halista ay leeyihiin madaxda Soomaalida ah ee baasaboorada shisheeyaha wata, una soo shaqa tegay sidii ay dhulka iyo badda Soomaaliyeed Itoobiya oo Kenyaatiga uga iibsan lahaayeen.
“Farmaajo,oo ah nin Maraykan ah, kana tirsan xisbiga Trump ee Jamhuuriga la yiraahdo, wuxuu dadka Soomaaliyeed ku beer-laxawsaday inuu yahay wadani Soomaali ah, balse markii uu kursiga ku fariistay wixii ugu horeeyay ee uu qabtay waxay ahayd inuu xabashida u gacangeliyo qof walba oo Soomaali ah oo ay ka dalbadaan, Maantana wuxuu saxiixay in dekedaha dalka ay Xabashidu la wareegto. Dhulka, cirka iyo badda Soomaaliyeed Murtadiintu waa iibsanayaan, markii xilligoodu dhammaadana wadamadii ay kayimaadeen ee ay baasabooradooda haysteen ayay dib ugu laabanayaan, waxa mustaqbalkooda lagu ciyaarayo waa ubadaka Muslimka ah ee Soomaaliya ku nool, dadkana waxaa la gudboon intay goori goor tahay in la baraarugo, oo dhulka inta xorta ahna aan ku mitidno, inta cadawgu naga haystana aan sidii loosoo ceshan lahaa falankeeda galno”.
Sheekh Mahad ayaa sheegay in haddii aysan dadka Soomaaliyeed baraarugin Caasimada Itoobiya laga dhigi doono Muqdisho sida Caasimada Yuhuuda looga dhigay Magaalada xoogga lagu haysto ee Al-Qudus.
Ugu dambayntii, Sheekh Mahad Warsame ayaa sheegay in Mujaahidiinta Al-Shabaab aysan marnaba aqbali doonin in taako kamid ah dhulka Soomaaliya lagu wareejiyo Itoobiya, ayna difaaci doonaan Diinta, Dalka iyo Dadka Soomaaliyeed.
Halkan ka degso Kalimadda oo MP3 ah ama Hoos ka dhageyso
