Sheekh Yuusuf Sheekh Ciise Kabakutukade oo ah waaliga Wilaayada islaamiga ee Shabeellaha dhexe ayaa waraysi gaar ah wuxuu siiyay Idaacadda islaamiga ee Al-Furqaan, kaas oo uu kaga hadlay arimo kala duwan oo muhiim ah.
Qeybtan wuxuu sheekhu si guud kaga hadlay xaalada Wilaayada Islaamiga ah ee Shabeellaha dhexe oo kamid ah wilaayaadka ugu muhiimsan ee uu ka jiro maamulka Islaamiga.
Wuxuu sheegay Waaligu in gobolku yahay mid degan, islamarkaana shareecada islaamka lagu dabaqayo, deegaannada iyo magaalooyinka ku jira gacanta shisheeyaha mooye.
Maamulka Hirshabeelle ayaa Sheekha mar uu taxliilinayay waxa uu sheegay in maamulkaas uu yahay maamul maqaar saar ah oo ka amar qaata dowladda Itoobiya, isagoona soo bandhigay cadeyn muhiim ah oo la taaban karo.
Wuxuu sheegay in magaca maamulkaas ay bixisay dowladda Itoobiya, sidaasna uu ku noqday Hir-Shabeelle, haddii dowladda federaalka ay soo bixin lahaydna uu noqon lahaa Shabeelle-hir, maadaama gobolka Shabeellaha dhexe uu xigo dhanka caasimadda Muqdisho.
Amniga ka jira deegaannada Wilaayada ay ka taliso ayuu sheegay inuu yahay mid wanaagsan oo la isku halleyn karo, islamarkaana toban sano kaamil ah aysan jirin qof muslim ah oo xaq daro loogu dilay gobolka Shabeellaha dhexe goobaha uu ka arimiyo maamulka Mujaahidiinta.
