Isku soo bax ballaaran oo ay dhigeen dibadbaxayaal caraysan oo taageero u muujinaya reer Falastiin, sidoo kalena kasoo horjeeda xasuuqa wuxuushnimo ee ciidanka gumeystuhu ku hayaan dadka reer Gaza, ayaa ka dhacay caasimadda dalka Mexico.
Tobannaan dibadbaxayaal ah oo aad u careysan ayaa isugu soo baxay afaafka hore ee safaaradda Yahuudda ee caasimadda dalka Mexico, halkaas oo ay ku tuureen dhalada Molotov-ka, taasi oo keentay in uu dab qabsado safaaradda maamulka Sahaayinada ee Mexico, si ay uga dhiidhiyaan dulmiga uu maamulkaasi ku hayo reer Gaza.
Dadka dibadbaxyada caraysan ku taagaareeyay reer Falastiin, ayaa lasoo wariyay inay sidoo kale adeegsanayeen bambaanooyin, dhagxaan iyo tubooyin, sida ay soo sheegeen masuuliyiin ka tirsan dowladda Mexico oo dhacdadan ka hadlay.
Dhanka kale, ciidanka dowladda Mexico ayaa isku dayay inay ka hortagaan dibadbaxayaasha, balse waxaa iska hor’imaad kala hortagay dadkan caraysan, ciidankan waxay adeegsadeen sunta dadka ka ilmaysiisa, isku dhaca dhexmaray ciidanka iyo dibadbaxayaasha waxay ilo wareedyo xaqiijiyeen inay ku dhaawacmeen dhowr askari oo ka mid ah ciidanka difaacayay Sahaayinada.
