Wararka ka imaanaya dalka Afghanistan waxey sheegayaan in qeybo ka mid ah Waqooyga dalkaasi lagu soo riday diyaarad ay la socdeen askar ka tirsan Nasaarada Mareykanka.
Ciidamada Difaaca Cirka Imaarada Islaamiga Afghanistan ayaa Lidka Diyaaradah la helay diyaarad ay la socdeen askarta American-ka waxaana la xaqiijiyay in gabi ahaan diyaaradda ay burburtay.
Sidoo kale weerarkan dhanka Cirka ah ee ay fuliyeen ciidamada Mujaahidiinta Imaarada Islaamiga waxaa dhimasho iyo dhaawac ku noqday gabi ahaan askartii American-ka ee diyaaradda la socday.
Diyaaradan ayeey ciidamada Mujaahidiinta kusoo rideen deegaanka Qalcah-kheyl oo ka tirsan gobalka Barwaan ee Waqooyga Afghanistan,diyaaradda dab xoogan ayaa ka kacay markii Gantaalka ay la heleen ciidamada difaaca Cirka Imaarada Islaamiga Afghanistan.
Deegaanka diyaaradda lagu soo riday waxaa durba yimid ku dhawaad Toban Diyaaradooda oo ah kuwa Elecobtarka kuwaasi oo in muddo ah hawada sare ka ilaalinayay haraadiga burburka diyaaradda lasoo riday,dhaawacyada iyo Baqtiga askarta Mareykanka ee la socotay diyaaradaasi.
Ugu dambeyntii diyaarad kale oo deegaanka soo caga dhigatay oo ay leeyihiin taliska ciidamada Nasaarada Mareykanka ee duulaanka ku jooga dalka Afghanistan ayaa goobta ka daabushay burburka diyaarada iyo askarta Americanka ee dhimashada iyo dhaawaca ku noqday weerarka lagu soo riday diyaaradda waxeyna ka dijisay garoonka diyaaradaha degmada Bagram ee gobalka Barwaan oo ah garoonka uu ku dhex yaalo saldhiga ugu weyn ciidamada Nasaarada Mareykanku ay ka sameysteen dalka Afghanistan.
Calamada.com
