Warar dheeraad ah ayaa kasoo baxaya duqeymo bahalnimo oo diyaaradaha aan duuliyaha laheyn ee dowladda Mareykanka ay maanta ka geysteen gobolka Jubbada dhexe ee dhaca Koonfurta Soomaaliya.
Maanta duhurkii ay diyaaradaha Mareykanka sedax gantaal ku dhufteen mid kamida xaafadaha magaalada Jilib waxaana duqeyntaas ka dhashay khasaara dhimasho iyo dhaawac ah oo soo gaaray dad shacab ah.
Dadka duqeynta ku dhintay oo ahaa sedax qof laba kamid ah waxay ahaayeen rag halka qofka sedaxaad ay aheyd haweeneed da’ah.
Dadka deegaanka ayaa soo sheegay in duqeynta uu dhaawac kasoo gaaray wiil Afar sana jir ah kaas oo xaaladdiisa caafimaad lagu baxnaaninayo isbitaalka guud ee degmada Jilib.
Dadka duqeynta ku dhintay ayaa kala ahaa Max’med Cabdi Cusmaan Kheyroow oo ahaa dullaal dhulalka kala wareejiya,Goosaar Shalle Maadeey oo ahaa beeraleey, sidoo kale haweenay 70 sana ah oo lagu magacaabo iyo Xaajiyo Muuse Macoow ayaa udhimatay naxdin ay ka qaadday jugta gantaalladii ay ridayeen diyaaradaha Mareykanka.
