Ka dib jabkii ciidamada Maraykanka ku qabsaday waddanka Afghaanistaan iyo burburkii ku yimid xukuumadii dabadhilifka ahayd ee ay garab taagneyd 20kii sano ee lasoo dhaafay, waxaa dhanka kale todobaadyadii lasoo dhaafay sii xoogeysanayey walaaca ku aadan in Jihaadiyiinta Africa ay iyaguna xoojiyaan macnawiyaatkoda iyagoo dhiiranan ka qaadanaya guusha ay gaartay Imaarada Islaamiga ee Afghanistan.
Generraalada millatariga Maraykanka ayaa aad uga digaya khatarta amni ee kasoo food leh Africa si gaar ah Soomaaliya oo ka mid ah dalalka uu ka socdo siraaca xaqqa iyo baadilka ku dhexmaraya bariga Africa.
Lloyd Austin oo ah xoghayaha wasaaardda Gaashaandhigga dowladda Maraykanka oo waraysi gaar ah siinayay talefishanka ku hadla afka dowladda Maraykanka ayuu kusoo hadal qaaday dardarta ay ku socoto xarakada Mujaahidiinta Al-shabaab ee ka jihaadda bariga Africa iyo guud ahaan jihaadiyiinta Africa.
Austin waxa uu sheegay in khatarta ugu wayni ee hadda uu dalkooda waajihi karo ay ka iman karto waddanka Soomaaliya isagoo u sababeeyay in xarakada shabaabul Mujaahidiin ay horumarisay xirfaddeeda dagaalka iyo in dalka uusan ka jirin nidaam dowladeed oo sal adag ku fadhiya.
Halkan Ka Dhagayso Warbixinta.
Halkan Kala Soco Wararka Deg Dega Ah Ee Website-ka Calamada.
Calamada.com
