Inkabadan 20 gaari oo noocyada gaashaman ah ayay dowladda Qadar u dirtay wadanka Maali, kuwaas oo lagu taageerayo duulaanka ay Reer-galbeedku ku qaadeen wadamada dhaca saaxilka iyo saxaraha Africa.
Wasaaradda Gaashandhiga dowladda Qadar ayaa xaqiijisay in ugu yaraan 24 gaari oo noocyada gaashaman ee ay ciidamadu adeegsadaan ay u direen dalka Maali, kuwaas oo ay sheegeen in lagu taageerayo dowladaha ku yaala saxaraha iyo saaxilka Africa.
Diyaarado milliteri oo ay leedahay wasaaradda gaashandhiga ayaa daabulay gawaaridan, kuwaas oo laga dejiyay dalka Maali, waxaana la filayaa in gacanta loo geliyo malleeshiyaadka ka hoos dagaallamaya raayada dowladda Faransiiiska.
Qadar waxay sheegtay in tallaabadan ay tahay mid ay ku xoojinayaan xiriirka ay la leeyihiin dowladda Maali, sidoo kalena ay astaan u tahay dowkra ay ka qaadanayaan waxay ugu yeereen “ la dagaalanka Argagaxisada” oo ay ula jeedaan dadka muslimiinta ah.
Maamullada Aala-Sucuud iyo kan Imaaraadka ayaa horay balaayiin dollar waxay ku taagereen duulaanka ay Faransiisku ku qaadeen dalka Maali, waxaana xilligaas ay bixinayaan lacagahaas faraha badan dowladda Faransiisku qaati ka taagneyd sii wadista duulaankaas.
Dadka Aqoonyahannada ah ayaa sheegaya in haddii aysan jiri lahayn dowladaha carbeed ee hodanka ah, islamarkaana taageeraya duulaannada ay gaaladu ku qaadeen dalalka muslimka ah ay xilliyo hore Reer-galbeedku joojin lahaayeen xadgudubyada ay ku hayaan muslimiinta.
