Dowladda saliibiyadda ah ee Yugaandha ayaa saraakiil ciidan shaqadii ciidan-nimo kaga eriday xasuuqii ciidankeeda loogu gaystay duullaankii barakaysnaa ee ka dhacay degmada Buulo-mareer ee wilaayada islaamiga ah ee Sh/hoose, halkaas oo lagu dilay boqollaal askar Yugaandhees ah.
Maxkamadda ciidamada dowladda Uganda oo dacwad ka dhan ah laba sarkaal oo ay dowladdaasi u haysato fashilka ciidankeeda ka raacay weerarkii Buulo-mareer ka waday gudaha Soomaaliya ayaa ugu dambayn ku dhawaaqday in saraakiisha kala ah John Steven Oluka, oo da’diisa lagu sheegay 58 jir iyo Zadock Abor, oo 49 jir ah, ay ku heshay dambiyo la xiriira inay yihiin fulayo, waxayna labadaasi sarkaal ku xukuntay in laga saaro ciidankeeda.
Saraakiishan ciidanka Uganda laga saaray ayaa markii ay arkeen xaqiiqda dagaalka isaga cararay saldhigga degmada Buulo-mareer, iyagoo baqacarar ahna galay saldhigga ay ku leeyihiin deegaanka Golweyn ee u dhow degmada Buulo-mareer, waxaana duullaankii barakaysnaa ee aroortaasi ka dhacay saldhigga ciidanka Uganda Allaah fadligiis lagu dilayinka badan 200 oo isugu jira saraakiil iyo askar Yugaandhees ah.
Saraakiisha lagu dilay duullaankii Buulo-mareer waxaa ka mid ahaa Gaashaanle Nyororo oo ahaa taliyaha guud ee guutada Zulu oo ka tirsan ciidamada saliibiyiinta Yugaandha, kuwaas oo ka hawlgala saldhigyada Buula-Mareer, Golweyn iyo Baladul Amiin ee wilaayada islaamiga ah ee Sh/hoose.
