Ciidamo aad u hubeysan oo ka tirsan Xarakada Shabaabul Mujaahidiin ayaa barqanimadii maanta, abaare 10:30am barqanimo weerar abaabulan ku qaaday xarunta Xalane oo ah saldhigga ugu weyn ee ciidamada Shisheeye ku leeyihiin magaalada Muqdisho iyo guud ahaan Soomaaliya, kaas oo sababay khasaare lixaadleh.
Dagaalyahanada Al-Shabaab ayaa ku guuleystay inay ka dusaan dhamaan koontaroolada iyo fariisimayaasha amni ee laga ilaaliyo xerada, kadibna gudaha u galay Xerada, iyagoo ka hor inta aysan so galin xeradana toogasho kusoo dilay ciidamo ka tirsan AMISOM oo joogay albaabka hore ee Xerada.
Sida laga soo xigtay dagaalyahanada fuliyey weerarka oo la hadlay idaacada Andalus, ciidanka Al-Shabaab ayaa toogasho ka bilaabay gudaha xerada iyagoo gudaha xafiisyada xaruntaas ku toogtay dhowr ruux oo isugu jira cadaan iyo Afrikaan.
Halyeeyada Inqimaasiyiinta ah ayaa sidoo kale dab qabadsiiyey qeybo ka mid ah xerada, iyadoona muuqaallo lagu baahiyey baraha bulshada lagu arkayey holac iyo qaac ka baxaya xerada, iyo ciidamo aad u fara badan oo gurmad ah oo dhoobnaa afaafka hore ee xarada.
Xarakada Mujaahidiinta Al-Shabaab ayaa sheegatay mas’uuliyada weerarkan, waxaana war saxaafadeed kasoo baxay maktabka warfaafinta oo uu ku saxiixnaa afhayeenka ciidanka Mujaahidiinta, Sheekh Cabdi Casiis Abuu Muscab lagu sheegay in dagaalyahanadoodu ay maanta fuliyeen howlgal halyeeynimo oo lagu beegsaday taliska ugu weyn ee shisheeyuhu ku leeyahay Soomaaliya.
“Mujaahidiinta ayaa weerar xoogan ku qaaday xerada Xalane oo hooy u ah tobanaan ka mid ah hay’adaha iyo ururada cadawga ajaanibta ah ee ka howlgala Muqdisho. Dagaalyahanadeedana ayaa ku guuleystay inay gudaha u galaan xerada ayna halkaas ku dilaan askartii ilaalada ahayd iyo dhowr ajaanib calooshood u shaqaystayaal reergalbeed ah” ayaa lagu yiri warka kasoo baxay taliska ciidamada Al Shabaab oo ku qornaa luuqada Englishka.
Taliska ciidanka Mujaahidiinta ayaa ballan qaaday inay soo gudbin doonaan faahfaahin dheeraad ah oo ku saabsan weerarka saacadaha soo socda.
Iyadoo weli rasaas xoogan laga maqlayo gudaha xerada Xalane, ayaa dhanka kale guutada jugtada culus ee Al-Shabaab waxay madaafiic ku garaaceen qeybo ka mid ah Xerada, iyadoona duqeyntaas ay si gaar ah u beegsaday dhismayaasha deegaanka u ah ajaanibta ee ku yaalla Xerada Xalane.
Sida ay noo xaqiijiyeen ilo wareedyo duqeyntaas ayaa sababtay khasaare nafeed iyo burbur soo gaaray qeybo ka mid ah dhismayaasha xerada, inkastoo aanan tirokoob rasmi ah la heynin.
Weerarkan oo ahaa midkii ugu cuslaa ee waayahan ay martigeliso magaalada Muqdisho ayaa imaanaya iyadoo kala guur siyaasadeed iyo mid amni ay wajaheyso DFS iyo Shisheeye tabantaaba xukuumaddan taagta daran.
