Wararka ka imaanaya waddanka Maraykanka ayaa sheegaya in saddex askari oo Ameerikaan ah ay dhinteen halka mid kalena uu dhaawacay ka dib markii ay isku dhaceen laba diyaaradood oo helikobter ah xilli ay hawada ku jireen.
Dilka askartan Ameerikaanka ah oo loo carbinayay duuliyenimo ayaa yimid ka gadaal markii ay labo diyaaradood oo helikobter oo ku jiray hawl-gal tababar ay shil ku galeen hawada gobolka Alaska ee dhaca dalka Maraykanka sida uu xaqiijiyay Pentagon-ka.
Dhanka kale taliska 11-aad ee ciidamada cirka Maraykanka ayaa qoraal uu shilkan kasoo saaray ku shaaciyey in laba xubnood goobta uu shilkaasi ka dhacay ay ku dhinteen goobtaas oo ku taal meel u dhow Hilly oo ka tirsan gobolka Alaska, halka askari saddexaadna uu dhintay iyada oo loo sii waday xarun caafimaad, duuliye afaaraad ayay ciidanka Maraykanku sheegeen inay u qaadeen cisbitaal millatari, ka dib markii uu ku dhaawacmay shilka.
