Xogo cusub oo la helay ayaa xaqiijinaya in arimo sirdoon loo cayriyay safiirkii dalka Sudan u fadhiyay magaalada Asmara ee caasimadda Eritrea, sida ay sheegeen ilo wareedyo ku sugan waddankaasi.
Wargayska Al-Taghyiir ee kasoo baxa Sudan oo soo xiganaya ilo-wareedyo Eriteriyaan ah oo uusan magacyadooda shaacin ayaa sheegay in sababaha loo eryay sii haya xilka safiirnimo ee safaaradda Suudaan ay la xiriirto in uu qoray laba wiil oo dhallinyaro ah, kuwaas oo uu u xilsaaray inay xog ka keenaan saldhig millatari oo ay leedahay Eritrea.
Saldhigga uu sii haya safiirka Suudaan ee la cayriyay xogteeda dabagalka ku hayay ayaa lagu sheegay inay tahay xerada Sawa ee kutaal gobolka alqash baraka eek u taal galbeedka Eritrea, halkaas oo ah xero lagu tabobaro ardayda dugsiyada sare ka qalin badalatay ee Eritrean-ka ah, mudo laba sano ahna ku qaataan tabobar ciidan.
Warbaahinta maxalliga ah ee Suudaan waxay intaas ku dartay in in madaxda sare ee dowladda Eritrea ay marka hore u sheegeen wasaaradda Arrimaha Dibadda ee Suudaan in Khaalid Cabbaas aan looga baahnayn dalkeeda, balse aamusanaan ka dib ay dowladda Eritrea ku qasabanaatay in safiirkan ay siiso muddo 72 saacadood ah in uu kaga baxo dalkeeda.
Ilo wareedyo maxalli ah ayaa sheegay in Khaalid Cabbaas uu jumcihii shalay kasoo dhoofay magaalada Asmara ee caasimadda u ah Eritrea, masuul suudaani ah oo ka tirsan dowladda ayaa dhankiisa shir jaraa’id oo uu ku qabtay magaalada Port Sudan ku qiray in Eritrea ay ku dhawaaqday in sii-hayaha Suudaan aan looga baahnayn dalkeeda, ka dibna ay soo cayrisay.
