Wararka ka imaanaya deegaannada dhaca duleedka galbeed ee magaalada Muqdisho ayaa sheegaya in weerar hubeysan lagu dilay askar katirsan dowladda Federaalka.
Xoogag hubeysan ayaa maanta barqadii deegaanka Weydoow ee galbeedka Muqdisho ku dilay 2 askari oo katirsanaa ciidamada Melleteriga dowladda Federaalka iyo Mid kamida Ergadii soo xushay xildhibaannada Baarlamaanka ee lagasoo doortay dhanka maamulka isku magacaabay Koonfur Galbeed.
Goob joogayaal ayaa sheegay in markii xoogagu ay dileen labada askari ay isla goobta ku toogteen Nin magaciisa lagusoo gaabiyay Max’med Aadan oo sanad ka hor magaalada Baydhabo uga qeyb galay shirarkii xildhibaannada lagusoo xulayay.
War rasmi ah oo kasoo baxay Al Shabaab ayay sheegatay mas’uuliyadda weerarkan lagu dilay askarta iyo Oday dhaqameedka soo xulay xildhibaannada maamulka Koonfur Galbeed.
