Ciidamo aad u hubeysan oo katirsan Xarakada Al Shabaab ayaa weeraro xooggan ku qaaday saldhigyo ciidamada shisheeyaha AMISOM iyo kuwa Itoobiya ay ugu suganyihiin gobolka Hiiraan.
Xalay saqdii dhexe ayay ciidamada Al Shabaab weeraro safballaaran ku qaadeen saldhig ciidamada Burundi ku leeyihiin deegaanka Miirtaqwo ee gobolka Sh/dhexe, goob joogayaal ayaa sheegay in dagaallo culus ay ka dhaceen gudaha deegaanka.
Jugta madaafiic xooggan oo lays dhaafsanayay iyo rasaas ayaa laga maqlayay deegaanno dhowr ah oo hoos yimaad degmada Mahadaay, warar lagu kalsoonyahay waxay sheegayaan in xoogaga Al Shabaab ay la wareegeen saldhig maleeshiyaadka DF-ka ku lahaayeen dacalka galbeed ee Miirtaqwo.
Ciidamada gaalada Burundi ee ku sugan deegaanka ayaa iyana wajahay weeraro dhowr jiho ah, ilo wareedyo ayaa sheegaya in madaafiic hoobiyaal ah lagu weeraray saldhigga Burundi kadibna waxaa xigay dagaal fool ka fool ah.
Dhinaca kale weerar xooggan ayaa markale lagu qaaday saldhig ciidamada Itoobiya ku leeyihiin deegaanka Halgan ee gobolka Hiiraan, sidoo kale weerar madaafiic ah ayaa lagu qaaday saldhigga ciidamada Jabuuti ee degmada Buula Burde.
