Xilli muddooyinkii dambe ay soo badanayeen isbaarooyinka xad-dhaafka ah ee ay murtadiinta soo dhigtaan deegaannada ay arrimiyaan, ayay gaadiidleyda iyo dadka socotada ah ee u kala goosha gobollada dhaca waqooyiga iyo Koonfurta cabasho ka muujiyeen isbaarooyinka xad-dhaafka ah ee uu maamulka Ridada Hirshabeelle soo dhigtay gobolka Hiiraan.
Gaadiidleydan ayaa si gaar ah cabasho uga muujiyay isbaarooyin ay murtadiintu soo dhigteen inta u dhaxayso degmooyinka Matabaan iyo Beledweyne ee Hiiraan, halkaas oo ay sheegeen inay muddo maalmo ah ku xayiranyihiin.
Mid ka mdia gaadiidleyda oo warbaahinta la hadlay ayaa sheegay in muddo 4 cisho ah ay gaadiidkooda ku xayiranyihiin isbaaro uu maamulka Ridada ah ee Hirshabelle soo dhigtay deegaanka Kala Bayrka ee duleedka magaalada Beledweyne.
Cabashadan kasoo yeertay gaadiidleyda isaga kala goosha waqooyiga iyo Koonfurta Somalia ayaa kusoo beegmaya xilli dhowaan sidan oo kale gaadiidleyda ka howlgala gobollada Sh/dhexe iyo Banaadir, ay cabasho uga muujiyeen isbaarooyin tira beela oo ay murtadiinta soo dhigteen inta u dhaxayso magaalada Muqdisho iyo degmada Balcad.
