Ugaas Xuseen Ugaas Cabdullaahi oo ah ugaaska beesha Gaaljecel ayaa markii ugu horeysay ka hadlay weerarkii ciidamada Maraykanka iyo dowladda federaalka ay ku qaadeen machad beesha kaga furnaa deegaanka Jiliyaale ee shabeelaha dhexe oo ay wax ku baranayeen arday udhashay beesha.
Umadda ayuu kaga tacsiyeyay dhacdadii xanuunka badnayd ee lagu dilay ardayda iyo macalimkoodii kuwa kalana lagu qafaashay.
Machadka ayaa waxaa furtay Beesha Barsane oo katirsan Gaaljecel sida uu sheegay Ugaaska.
Ugaas Xuseen ayaa ka hadlay sababta loogu duulay caruur baranaya diintooda oo heystay nabad isagoo dhanka kale beeniyay sheegashada ku aadan in la weeraray arday xoog lagu heystay oo la ciidameynayay.
Beesha Gaal jecel ayaa adkaysay inaysan gorgortan ka galayn barashada iyo koryeelida diinta islamarkaana ay furanayaan machad kale oo badal u ah kan Maraykanka iyo xulufadiisa ay cagta mariyeen.
