Saacadihii lasoo dhaafay waxaa gudaha dalka Konfur Afrika Siyaabo kala duwan loogu dilay Labo ruux oo ka mid ahaa ganacsatada iyo guud ahaan dadka Soomaaliyeed ee ku dhaqan gudaha dalkaasi.
Labadan dil waxey kawada dhaceen magaalada Cape Town oo ka mid ah magaalooyinka ugu waaweyn dalka Konfur Afrika.
Kooxo Burcad Konfur Afrikan ah ayaa xaafado kala duwan oo ka tirsan magaaladaasi ku toogtay Labo ruux Somali oo lagu kala magacaabi jiray Xuseen Shiikhaalow oo ay toogteen isagoo gaari la socday iyo Cusmaan Cali oo ay toogteen isagoo goob ka adeeganayo.
Dilalkan waxey kusoo aadayaan xilli dhawaan kooxaha Burcad Konfur Afrikaanta ay dileen oo goobtiisa ganacsi ay ku gubeen ganacsade Soomaaliyeed oo lagu magacaabi jiray Axmed Jaliil Cali kadib markii ay ku weerareen goobtiisa ganacsi oo ku taalay magaalada Durban ee dalkaasi.
Calamada.com
