Ciidamada gutada madaafiicda mujaahidiinta ee ka howlgala wilaayada islaamiga ah ee Bakool, waxay saacadihii lasoo dhaafay weerar culus oo madaafiic ah ku qaadeen garoonka diyaaradaha macmalka ah ee degmada Waajid, xilli halkaas ay ka dageysay diyaarad sahay u sidday maleeshiyaadka Riddada ee ku go’doonsan degmada Waajid.
Saraakiil cidian oo ka tirsan mujaahidiinta ayaa Andalus u xaqiijiyay in madaafiicdu ku dhaceen gudaha garoonka diyaaradaha, iyada oo ay xusid mudan tahay in madaarka Waajid ay saldhig weyn ku leeyihiin ciidamada Kuffaarta Xabashida Itoobiya.
Dhanka kale, ciidamada mujaahidiinta waxay dagaal culus ku mireen saldhigga maleeshiyada Riddada ay ka degganyihiin dhismaha Warsama-indhool ee ku taala waddada Warshadaha ee dhanka degmada Wardhiigley, hubka noocyadiisa kala duwan ee weerarkaas ayaa laga maqlayay xaafado ka tirsan Wardhiigley.
Sh/hoose, waxay mujaahidiintu weerar culus ku mireen xerada ciidamada Kuffaarta Afrikaanta, gaar ahaan kuwa Yugaandha ay kaga suganyihiin deegaanka Danow, waana mid ka mid ah weerarada habeen dheelmadka ah ee ay mujaahidiintu ku beegsadeen xeryaha ciidanak kuffaarta iyo kuwa murtadiinta.
