Magaalada New York dalka Mareykanka waxaa kulan ku leh waxa loogu yeero golaha ammaanka ururka Q.Midoobay waxayna kulankaan uga hadalayaan arrimaha Soomaaliya gaar ahaan dhanka ammaanka.
Q.Midoobay ayaa ka arrinsanaysa sida laga yeelayo soo duulayaasha calooshood ushaqeystayaasha Afrikaanta ah ee duullaanka saliibiga ah ku jooga dalka Soomaaliya.
Ilo wareedyo ayaa sheegaya in dowladaha ugu waaweyn ee reergalbeedka ay ku kala aragti duwanyihiin sida loo maareynayo muranka ka taagan cidda maalgelinaysa howlgalka cusub ee ururka Midowga Afrika uu si hal dhinac ah u iclaamsaday.
Waxyaabaha kulanka caawa ka dhacaya New York lagu go’aamin doono waxaa ka mid ah mustaqbalka howlgalka Afrikaanta ATMIS in howlgalkan sanadada badan qaatay lasoo afjarayo in kale, dowladaha ka mid noqon doono howlgalka AUSSOM ee midowga Afrika uu iclaamiyay.
Sidoo kale waxaa laga doodi doonaa jihooyinka dhabarka uridanayo maalgelinta soo duulayaasha Afrikaanta ee Soomaaliya, inta sano ee uu howlgalkan socanayo iyo dowladaha ay ciidamadoodu ka qeyb qaadanayaan.
Shirkii isbuucii lasoo dhaafay ka dhacay magaalada Ankara ee Turkigu ku heshiisiiyay Abiy Axmed iyo Xasan Gurguurte ayaa u muuqday mid looga hortagayay in ciidamada xabashida Itoobiya laga reebo howlgalka cusub ee afrikaanta Soomaaliya.
Arrimaha ay isku mari la’yihiin shisheeyaha saliibiyiinta ah ee ku kulansan New York waxaa ugu muhiimsan laba arrin oo kala ah cidda maalgelinaysa howlgalkan, tusaale ahaan Midowga Yurub wuxuu doonayaa in culeyska maaliyadeed ay la qeybsadaan dalalka Afrika iyo Q.Midoobay halka Mareykanku uu gebi ahaan ka caga jiidayo in uu qaaraan ku darsado maalgelinta isbahaysigan, sidoo kale wuxuu muran ka taagnaa in Masar iyo Itoobiya lagusoo daro howlgalkan.
Hubanti la’aanta ugu daran ayaa ka taagan cidda dusha uridanaysa bixinta qarashaadka ku baxaya soo duulayaasha Afrikaanta waxaana xusid mudan in Donald Trump uu bisha 1-aad ee sanadda 2025 talada Mareykanka lawareegi doono, waana hoggaamiye aan oggoleyn in Mareykanku lacago ku qubo dalalka dibadda.
Ciidamada Midowga Afrika ayaa duullaan ku jooga Soomaaliya muddo 18 sannadood oo xiriir an, mana xaqiijin hal hadaf oo ka mid ah ahdaaftii ay reergalbeedku usoo xilsaareenteen waxaana ugu muhiimsan in ay baabi’iyaan Shabaabil mujaahidiin iyo in dalka ka dhisaan nidaam Dimuquraadi kufri awood leh.
