Fadeexad cusub oo dhanka maaliyadda ah ayaa kusoo baxday dowladda Riddada ah ee fadhigeedu yahay magaalada Muqdisho, kadib markii la ogaaday in lacag ku dhow toban milyan oo dollar ay ku bixisay ku biiristeeda urur goboleed tayadiisu aad u liidato.
Kooxda Riddada ayaa $7.8milyan ku kordhisey miisaaniyadda Ururka Bariga Afrika oo ay dhawaan ku biirtay.
Lacagtan oo qaabka loo bixiyay uu yahay laaluush ayaa ka dhigan in kooxda uu madaxda ka yahay Xasan Gurguurte hantididii ay ka boobtay shacabka Soomaaliyeed ay ku naaxisay dowlado shisheeye oo wax wanaag ah aan u aheyn shacabka Soomaalia.
Wargeyska lagu magacaabo The East African oo soo xiganaya ilo lagu kalsoon yahay ayaa daabacay in Villa Somalia ay bishii hore dirtay lacag dhan $7,853,071, taas oo si rasmi ah ugu biiri doonta budget-ka Ururka Bulshada Bariga Afriga (EAC).
Urur gaaleedkan rakhiista ah waxaa ku dawarsada dowlado ay ugu tun weynyihiin Kenya iyo Tanzaaniya, kuwaas oo lacago malaayiin dollar ah ka sameeya.
Warbixinta ayaa intaa ku dartay in dalka DR Congo oo ururka kamid ahaa labadii sano ee u dambeeyay isla markaana uga horreeyay Soomaaliya aanu hal senti ku darin miisaaniyadda ururkaas, balse Villa Somalia ay lacago malaayiin ah ugu deeqday Ururka.
Madaxweynaha kooxda Riddada Soomaaliya oo lagu yaqaan inta badan in uu gacanta hoorsado dalalka shisheeye ayaa haatan hantida yar ee umadda ka xaalufiyay ku bixiynaya meelo aan ku habbooneyn.
Wargeyska The East Africa ayaa warbixintiisa ku caddeeyay in Soomaaliya durbadiiba ay il dhaqaale u noqotay ururka loogu magac daray Bulshada Bariga Afrika ee marka magaciisa lasoo gaabiyo loo yaqaan EAC.
Xasan Gurguurte ayaa kalimadaha uu ka jeediyo fagaarayaasha ku sheega in ay guul ka gaareen ku biiristan ururkan, isagoo aan marna soo hadal qaadin in ay lacago malaayiin dollar ah laaluush ahaan u siiyeen madaxda ururkan.
