Murtad Cali Guudlaawe oo ah madaxa maamul goboleedka ashahaada la dirirka ah ee Hirshabeelle ayaa wareegto uu soo saaray xilkii guddoomiyaha gobolka Hiiraan ugu magacownaa maamulka kaga eryay murtad Cali Jayte Cismaan, oo uu khilaaf adag kala dhaxeeyay.
Wareegtada kasoo baxday xafiiska madaxa maamulka Riddada ah ee Hirshabeelle ayaa lagu sheegay in xilkaas looga xayuubiyay Cali Jayte, sidoo kalena xilka guddoomiyaha Riddada gobolkaas loogu magacaabay Cabdullaahi Axmed Maalin, oo ka mid ah xubnaha aadka ugu dhow Guudlaawe.
Arrimaha soo dadajiyay in la eryo Cali Jayte ayaa lagu sheegay inay salka ku hayso 2 arrimood oo kala ah, in uu ku fashilmay dagaalka ka dhanka ah shareecada islaamka oo uu murtadkan kaga jiray bariga wilaayada Hiiraan, sida la wada ogyahayna uu goob madal ah oo uu ku sugnaa murtad Cali Guudlaawe uu murtad Cali Jayte ka shaaciyay in uu ku fashilmay siina wada karin dagaalka ka dhanka ah mujaahidiinta ee uu kaga jiray bariga Hiiraan, qodobkan ayaa ugu wayn arrimaha xilka looga qaaday, waxaase wehliya qodob kale oo la xiriira isbqab-qabsiga labadan xubnood ee murtadiinta ah ee ku aaddan baadda laga qaado gaadiidleyda isaga kala goosha Koonfurta, bartamaha iyo waqooyiga Soomaaliya.
Maamulka goboleedka ashahaada la dirirka ah ee isku magacaabay Hirshabeelle ayaa horay usoo saaray wareegto ku socotay maamulka Riddada ee Hiiraan, kaas oo lagu farayay in lacagaha baadda ah ee uu dadka ka qaado, uu kusoo wareejiyo wazaaradda maaliyadda ee maamulkaas, balse waxaa taas ka biya diiday Cali Jayte.
