Howlgal qarax ah oo ciidanka mujaahidiinta maanta ka fuliyeen xaafadda Jamuuriya oo ka tirsan degmada Kaaraan ee magaalada Muqdisho ayaa lala eegtay gaari Cabdibile ah oo ay la socdeen maleeshiyaadka Riddada, gaar ahaan kuwa isugu yeera Booliis Militaaro, waxaana goobta dhimasho iyo dhaawac ku noqday maleeshiyaadka la socday gaarigaasi, gaarigii la qarxiyayna waxyeello xooggan ayaa gaartay.
Sidoo kale howlgal gaar ah oo ciidanka mujaahidiintu ka fuliyeen xaafadda sarkuusta ee magaalada Muqdisho waxaa lagu khaarajiyay askari murtad ah oo ka tirsanaa maleeshiyaadka kooxda Riddada, gaar ahaan kuwa Military-ga loo yaqaan, geesta kale agagaarka jaamacadda Gaheyr ee magaalada Muqdisho ayaa lagu dhaawacay askari murtad ah oo lagu magacaabo Cirro, kaasi oo ka tirsan maleeshiyaadka Riddada ee loogu yeero Booliis Militaaro.
Dhanka kale, ciidamada mujaahidiinta ee ka jihaada wilaayada Sh/hoose waxay weerar culus oo kamiin ah u dhigeen maleeshiyaad murtadiin ah oo ku socdaalayay inta u dhaxeysa No/50 iyo Owdheegle, waxaana howlgalkaas jid-galka ah lagu dilay 3 askari oo murtadiin ah, laba kalena waa lagu dhaawacay.
