Hoggaanka guud ee Mujaahidiinta Imaarada islaamiga ah waxa uu goor dhow ku dhowaaqay in ciidamada halyeeyada ah ee Mujaahidiinta Daalibaan ay gudaha u galaan magaalada Kaabul oo ah caasimadda dalka Afghanistan.
Bayyaan kooban oo kasoo baxay qiyaadada imaarada islaamiga ah ayaa ciidanka lagu amray inay gudaha u galaan caasimadda Kaabul si ay halkaas u gaarsiyaan ku dhaqanka shareecada islaamka ka dib markii ay magaalooyinka kale ee waddanka la wareegeen.
Warkan kooban ee kasoo baxay imaarada islaamiga ah waxa uu kusoo beegmayaa xilli isla maanta bayyaan kale oo kasoo baxay imaarada ciidamada Mujaahidiinta looga soo saaray magaalada Kaabul oo ay horay u galeen si fursad loo siiyo maleeshiyaadka iyo saraakiisha kasoo goosanayso xukuumadda Ridada Kaabul.
Dhanka kale waxaa maanta waddanka Afghanistan isaga cararay madaxwaynaha xukuumadda Ridada Kaabul murtadka lagu magacaabo Ashraf Ghhani iyo ku xigeenkiisa.
Saraakiil sare oo ka tirsan xukuumada Kaabul waxay wakaaladda Wararka ee AP u xaqiijiyeen in ashraf Gahani oo ah madaxwaynaha dalkauu u baxsaday dhanka dalka Tajakistaan oo ah waddan jaar ah dalka Afghanistan.
Xukuumadda Ridada Kaabul waxay xilligan noqotay mid sii kala daatay waxaase dhagta loo wada taagayaa xaaladda caasimadda oo Imaarada islaamiga ah ku dhawaaqday in dagaalyahanadeeda ay gudaha u galaan.
Halkan Kala Soco Wararka Deg Dega Ah Ee Website-ka Calamada.
Calamada.com
