Khasaare kala duwan oo isugu jira dhimasho iyo dhaawac ayaa ka dhashay dhul go, xooggan oo ka dhacay waqooyiga waddanka Tanzania, sida ay xaqiijiyeen masuuliyiin ka tirsan xukuumadda waddankaasi.
Dhul go’an ayaa yimid, kaddib daadad xooggan oo kusoo rogmaday deegaanno dhaca waqooyiga waddanka Tanzania, halkaas oo maalmihii lasoo dhaafay ay ka da’ayeen roobab mahiigaan ah.
Inta la xaqiijiyay waxaa dhul go’an ku dhintay inka badan 47 xubnood, halka ay sidoo kale ku dhaawacmeen 85 qof, masuuliyiinta xukuumadda Tanzania ayaa sheegay inay suuragal tahay in uu sii kordho khasaaraha ka dhashay dhul go’an.
Daadadka iyo fatahaadaha ka dhashay roobabka dayrta ayaa saamayn xooggan ku yeeshay waddamo badan oo dhaca bariga qaaradda Africa, waxaana dalalkaas ay saamaynta ku yeesheen daadadka ka mid ah Somalia iyo Kenya.
