Wararka ka imaanaya dalka Afghanistan waxey xaqiijinayaan in weeraro khasaara lagu gaarsiiyay ciidamada Nasaarada Mareykanka ay ka dhaceen qeybo ka mid ah dalkaasi.
Weerarka Kowaad oo loo adeegsaday qarax miino waxa uu ka dhacay gudaha garoonka diyaaradaha magaalada Jalala-baad ee xarunta gobalka Nangahar ee Bariga dalka Afghanistan.
War rasmi ah oo kasoo baxay Imaarada Islaamiga Afghanistan ayaa lagu xaqiijiyay in qaraxa ay fuliyeen ciidamada Mujaahidiinta ee Imaarada Islaamiga islamarkaana lala beegsaday xubno isugu jira American iyo maamulka daba dhilifka Kaabul oo ku sugnaay gudaha garoonkaasi.
Warka kasoo baxay Imaarada ayaa lagu xaqiijiyay in qaraxa dhimasho iyo dhaawac ay ku noqdeen Shan La taliyaal American ah,waxaa sidoo kale dhimasho iyo dhaawac ku noqday Labo iyo Toban Xubnood oo ah saraakiisha iyo maleeshiyaatka maamulka Ashraf Gani.
Weerarkan ayaa kusoo aadaya xilli Maalmo ka hor howlgal ciidamada Difaaca Cirka Imaarada Islaamiga Afghanistan ay ka fuliyeen deegaan ka tirsan gobalka Lowjar ee Bartamaha dalka Afghanistan ay kusoo rideen diyaarad dagaal oo ay la socdeen askar fara badan oo American.
Diyaaradan oo ah noocyada Elecobtarka ayeey burburiyeen sidoo kale waxaa deegaanka ka dhacay weerar dhabba gal ah oo loo dhigayo kolanyo isugu jirta ciidamada Mareykanka iyo kuwa maamulka daba dhilifka Kaabul.
Inta la xaqiijiyay ciidamada Mujaahidiinta Imaarada Islaamiga Afghanistan waxey weerarkan ku dileen Afartan iyo Saddex askari oo u badan ciidamada Mareykanka ee duulaanka ku jooga dalka Afghanistan.
