Moses Amoru oo ah taliye ku xigeenka Police howlgalka ATMIS ee Soomaaliya, ayaa sheegay inay sanado badan dadaalo ku bixinayeen tababarka ciidamo Police Soomaali ah oo la filayey inay la wareegaan mas’uuliyada amni ee magaaloyinka Soomaaliya, balse wuxuu sheegay inuu guuldareystay dadaalkaas oo ka mid ahaa arimaha loo igmaday mudadii ay joogeen Soomaaliya.
Sarkaalkan oo u waramay wargeyska Nation ee laga leeyahay dalka Kenya, ayaa sababaha fashilka ka weeciyey isbaheysigiisa, wuxuuna u aaneeyey dhaqaale la’aan. wuxuu sheegay in aysan helin qarashkii ku filnaa tababarka iyo inay diyaariyaan ciidamo badan oo ka mid ah Police ka Soomaaliya.
“Anagana Police ka Soomaalida waxaan ka caawinaa xagga tababarka, laakiin lama hayo dhaqaale xoogan. Tusaale ahaan waxaad dooneysaa inaad tababarto kun askari, balse waxaa lagu siinayaa dhaqaale aad ku tababari karto boqol askari oo kaliya, sidaas darteed waxaad ku khasban tahay inaad tababarto 100 askari, kadibna aad sugto inta laga keenayo dhaqaale kale” ayuu yiri.
Hadalka kasoo yeeray Moses Amoru, ayaa imaanaya iyadoo bisha soo socota la filayo in Soomaaliya laga saaro ilaa 4 kun oo ka tirsan ciidamada kuffaarta Afrikaanta, taas oo qeyb ka ah howgalka bixitaanka ATMIS ee dhamaadka sanadkan.
Diblumaasiyiinta iyo hay’adaha gaalada ee ka howlgala Soomaaliya, ayaa walaac xoogan ka muujinaya awoodda ay kooxda Riddadu u leedahay inay buuxiso firaaqa ay baneen doonaan ciidamada kuffaarta Afrikaanta, sababo ku aaddan ciidanka Soomaalida oo aanan lagu qabin kalsooni ah inay cagahooda ku taagnaan karaan haddii uu baxo isbaheysiga saliibiga.
Madaxweynaha Kenya, ayaa toddobaadkan sheegay inay Soomaaliya la wareegi doonto Xarakada Mujaahidiinta Al-Shabaab, haddii ay ciidamada ATMIS isaga baxaan waddanka.
