Dhaq dhaqaaqyo melleteri oo ay barbar socdaan dagaallo culus ayaa lagasoo sheegayaa deegaanno katirsan gobolka Gedo ee dhaca Koonfur galbeed dalka Soomaaliya.
Wararka ka imaanaya Gedo ayaa sheegaya in iska hor’imaadyo xooggan ay ka dhaceen wadada xiriirisa degmooyinka Garbahaareey iyo Buurdhuubo.
Xoogag katirsan Al Shabaab ayaa wadada ugalay kolonyo ciidamo Itoobiyaan ah oo isbuucii hore kasoo gudbay degmada Luuq ee isla gobolka Gedo.
Dagaallada ugu xooggan ayaa ka dhacay duleedka Garbahaarey, ilo wareedyo ayaa sheegaya in tiro laba jeer ah ay dagaalladu ka dhaceen duleeyada Buurdhuubo iyo Garbahaareey.Dadka deegaanka ayaa sheegay in ay maqlayeen hugunka rasaasta laysku adeegsanayay dagaalka iyo daryanka madaafiicda, xoogaga Al Shabaab ayaa ku guuleystay in ay hakiyaan socodka ciidamada gummeysiga itoobiya wax ka badan laba maalmood.
Sarkaal katirsan Al Shabaab ayaa warbaahinta islaamiga ah u xaqiijiyay in laba weerar oo is xigxigay ay labeegsadeen ciidamada Xabashida islamarkaana ay qarax laheleen gaari xamuul ah oo qeyb ka ahaa kolonyada Itoobiyaanka.
Dhinaca kale maalintii 2-aad waxaa go’an isgaarsiinta gobolka Gedo ciidamada Itoobiya ayaa jaray khadadka isgaarsiinta ee magaalooyinka Garbahaarey iyo Buurdhuubo taas oo keentay in war isgaarsiintu ka go’do inta badan gobolka Gedo.
Magaalooyin ay kamid yihiin Beled Xaawo,Ceelcadde Garbahaarey iyo Buurdhuubo ayaa isgaarsiin la’aan ah wax ka badan 48 saacadood oo xiriir ah.
Habqabka ciidamada Itoobiya ayaa la sheegay in uu ku dhowyahay magaalada Garbahaarey waana ciidamo gelbinaya Tobanaan gaadiid xamuul ah oo saad melleteri iyo raashin sida.
Isbuucii lasoo dhaafay ayay ciidamada Itoobiya kasoo gudbeen dhanka degmada Dooloow ee xuduud beenaadka dhacda waxayna soo mareen Luuq iyo Yurkud iyagoo dhanka Baay kasoo galay gobolka Gedo, ciidamada gummeysiga ayaa jaraya isgaarsiinta dhulka ay socodka ku marayaan sababa la xiriira cabsi ay ka qabaan in xogtooda lahelo.
