Wararka ka imaanaya degmada Mahadaay ee gobalka Shabeelada dhexe waxey sheegayaan in gudaha degmadaasi uu ka dhacay iska hor’imaad xoogan oo dhexmaray maleeshiyaat ka wada tirsan dowlada Ridada.
Dagaalka oo muddo saacad ku dhow ka socday mid kamida xaafadaha degmada Mahadaay ayaa sababay dhimashada ugu yaraan 5 askari iyo dhaawac soo gaaray 7 kale.
Khilaafka maleeshiyaadka u dhaxeeya ayaa maalmihii lasoo dhaafay soo jiitamayay wuxuuna salka ku hayaa lacagaha laga qaado gaadiidka dadweynaha.
Wararka qaar ayaa sheegaya in maleeshiyaadku ay qaab beeleed isku khilaafeen, guddoomiyaha degmada Mahadaay iyo taliyaha booliska saldhigga degmada ayaa la sheegay in ay ku lug lahaayeen dagaalkii maanta.
Tobaneeyo qoys ayaa bilaabay in ay isaga barakacaan guryahooda oo ku dhow goobaha ay isku hor fadhiyaan labada dhinac , inta badan ciidamada DF-ka ayaa dhaxdooda dagaallama waxayna isku geystaan khasaara dhimasho iyo dhaawac ah.
