Muddo toban maalin ah oo laga joogo heshiiskii xaaraanta ahaa ee dowlada xabashida Itoobiya uu maamulka Muuse Biixi Cabdi ku siiyay qaybo ka mid ah badda Somalia, ayay dowladda nasaarada ah ee xabashida xaalad diyaar garow ah gelisay golayaasha dowladda si ay u difaacaan heshiiskaasi xaaraanta ah.
Wasaaradaha kala duwan ee xukuumadda fadhigeedu yahay Addis Ababa ayaa wada qorshayaal kala duwan oo ay ku dhaqan galinayaan heshiiskaasi baadhilka ah ee lagu siiyay khayraadka umadda Soomaaliyeed ee muslimiinta ah.
Wasaaradda warfaafinta ee dowladda Itoobiya ayaa qaaday olole xooggan oo ay dadka Itoobiyaanka ugu boorinayso in uu u dhaqan galo heshiiskaas, uuna muhiim u yahay jiritaankooda iyo amnigooda, sida laga sii daynayo dhamaan qaybaa kala duwan ee warbaahinta dowladda xabashida.
Dhankeeda wasaarada Dfaaca ee Itoobiya, ayaa wada dadaallo badan oo ay doonayso in ay ku hergaliso heshiiskaas sida ugu dhow, iyadoo Addis Ababa ugu yeertay janaraalada hoggaamiya ciidanka maamulka Riddada Somaliland si ay hor fiiq ugu noqdaan qaadashada badda mmadda Soomaaliyeed.
Sidoo kale warar kale oo soo baxaya ayaa sheegaya in ciidanka Badda ee dowladda Itoobiya ay ku jiraan diyaargowgii ugu dambeeyay ee ay kusoo guurayaan, waxuuna qorshuhu yahay inay saldhigtaan xeebaha badda cas ee Somalia.
Dowladda xabashida Itoobiya ayaa ku adkaysanaysa meelmarinta heshiiskaasi xaaraanta ah, waxaana durba xiisada arintaasi ka dhalatay laga dareemaya guud ahaan gobolka, shacabka Soomaaliyed ee muslimiinta ah ayaana isku dhaarsaday difaaca diintooda, dhulkooda iyo baddooda intaba.
