Safiirka dowladda Itoobiya u fadhiya dalka Pakistaan, Jemal Beker Abdula, ayaa sheegay in taliyaha ugu sarreeya ee ciidanka Badda Pakistan, ninka lagu magacaabo, Nafiid Ashraf, waxayna kulan wadajir ah oo gaar ah ku yeesheen magaalada Islaama-baad ee caasimadda dalkaasi.
Kulankaasi, ayaa lasoo wariyay in labada masuul ay kaga hadleen sidii ay u yeelan lahaayeen iskaashi dhanka amniga iyo badda ah, safiirka dowladda xabashida Itoobiya u fadhiya safaaradeeda Islaamabaad, ayaa sheegay in uu taliyaha ciidanka Bada Pakistan la gorfeeyay sidii uu iskaashigaas u hirgeli lahaa.
Safiirka xukuumadda Addis-ababa, ayaa taliyaha ugu sarreeya ciidanka bada Pakistan, Nafiid Ashraf uga warbixiyay heshiiska xaaraanta ahaa ee ay dowladdiisu la gashay maamulka ashahaada la dirirka ah ee Somaliland, wuxuuna u sheegay in heshiiskaasi badeed uu ahaa mid gabi ahaanba waafaqsan waxa uu ugu yeeray xeerarka caalamiga ah.
Kulanka labada dhinac ayaa kusoo beegmaya, xilli dowladda Itoobiya ay si wayn u baadi-goobayso dedaal xoogganna ku bixinayso sidii ay u dhaqan gelin lahayd heshiiskii burcadnimada ahaa ee ay la saxiixatay Muuse Biixi, shirarka ay waayadan dambe wado ayaana ah mid ay taageero ugu raadinayso heshiiska boobka cad ah, kadib markii ay si wayn uga hor yimaadeen umadda Soomaaliyeed dal iyo dibadba.
