Wargayska Bloomberg ee kasoo baxa dalka Maraykanka, ayaa daabacay warbixin ku aaddan qorshe ay ka fakarayso dowladda Itoobiya, kaas oo ku aaddan heshiiskii burcadnimada ahaa ee loogu saxeexay qaybo ka mid ah badda Soomaaliya.
Wargayskaan oo soo xiganaya saraakiil aan la magac dhabin, ayaa sheegay in dowladda Itoobiya ay doonayso in ay si rasmi ah kaga laabato qodob qayb ka ahaa heshiiskii xaaraanta ahaa ee badda lagu siiyay, kaas oo ah ah aqoonsiga la sheegay inay ku bedelatay heshiiskii badda, kaas oo ay doonaysay inay siiso maamulka Soomaalilaand.
Warbixinta uu daabacay Bloomberg ayaa dhanka kale soo xiganaysa saraakiil diiday inay magacooda warbaahinta loo adeegsado oo Itoobiyaan ah, kuwaas oo uu wargaysku sheegay in William Ruto, oo ah madaxweynaha Kenya, uu Abiy Axmed oo ah ra’iisul wasaaraha Itoobiya kula taliyay in uu qodobbada heshiiska ka saaro aqoonsiga ay Itoobiya siinayso Somaliland, si uusan meesha uga bixin xiriirka kala dhaxeeya kooxda Riddada Somalia.
Nuqul ka mida maqaalka uu daabacay wargayska Bloomberg waxaa lagu yiri “Sarakiil Itoobiyaan ah ayaa si gaar ah ugu sheegay saraakiil ajanabi ah in ay suuragal tahay in dowladda Itoobiya ay raali ka tahay ka tanaasulka qorshaha ay kaga laabanayso qodobka aqoonsiga Somaliland,.
Itoobiya ayaa la wariyay inaysan ka laaban doonin heshiiskii xaaraanta ahaa ee badda lagu siiyay, balse ay meesha ka saari doonto kaliya qodobka (ictiraaka) ay siin lahayd maamulka Soomaaliland, tani ayaana ka dhigan in Somaliland aysan heshiiskaasi wax dan ah ugu jirin marka laga reebo in Muuse Biixi saami laga siiyay shirkadda duulimaadka Itoobiya.
