Wararka ka imaanaya magaalada Beledweyne ee xarunta gobalka Hiiraan ee bartamaha dalka Somaliya waxey sheegayaan in xaalad adag oo dhanka ganacsiga ah ay ka taagantahay magaaladaasi.
Jahwareerka ganacsi ee ka jirta magaalada Beledweyne ayaa timid kadib markii magaalada lasoo galiyay lacago badan shilin Somali oo been abuur ah.
Ganacsatada suuqa magaalada ayaa gabi ahaan diiday in wax lagu kala iibsado lacagta shinlin Somaliga,waxeyna kaliya kala qaadanayaan lacagta doolarka.
Diidmada ku aadan qaadashada lacagta Shilin Somaliga ayaa sabab u noqotay in inta badan albaabada la isugu dhufta goobaha ganacsiga ee suuqa magaalada Beledweyne.
Shaqo joojinta iyo diidmada qaadashada lacagta Shilin Somaliga ee ka jirta suuqa magaalada Beledweyne ayaa si weyn u saameysay dadka danyarta ah ee ku dhaqan magaaladaasi.
Calamada.com
