Maamulka ashahaada la dirirka ah ee Jubbaland, ayaa shaaciyay in uu isku soo dhiibay sarkaal ay ku sheegtay in uu ka tirsanaa kooxda Riddada ee uu madaxa u yahay murtad Xassan Gurguurte.
Muuqaal ay baahiyeen ayaa waxaa kasoo muuqanaya sarkaalka ay sheegeen in uu isku soo dhiibay, kaasi oo sheegaya in uu ka goostay kooxda Riddada, kana mid ahaa saraakiil loo xilsaaray inay la dagaallamaan maamulkaasi uu fadhigiisu yahay Kismaayo.
Ninkan oo lagu magacaabo Cabdishakuur Axmed, ayaa sheegay in taliska ciidamada Riddada uu u wakiishay jabkii Raaskaambooni kaddib in uu koox maleeshiyo ah ka aas-aaso deegaannada kulaala xad beenaadka u dhaxeeya Somalia iyo Kenya, si ay maleeshiyadiisa ula dagaalamaan maamulka murtad Axmed Madoobe.
Maamulkan ayaa sidoo kale soo bandhigay hub iyo agabyo ciidan, kuwaas oo uu sheegay in lagu hubeeyay sarkaalka isku dhiibay, ma jiro wax war ah oo kasoo baxay dhanka kooxda Riddada oo ku aaddan sheegashada maamulka uu fadhigiisu yahay Kismaayo.
