Hadal hayn aad u xooggan ayaa ka dhalatay wax u eg biriq ama danab kusoo dhacday kaniisad kutaal waddanka Maraykanka, taas oo xilliga uu biriqa ku dhacayay ay ka socotay xaflad lagu bogaadinayay dadka ku kaca ficillada qowmu-luudka.
Telafishanka ABC News ee kasoo baxa dalka Maraykanka ayaa baahiyay, muuqaalka dab xooggan oo ka kacaya dhismaha kaniisada gobolka Massachusetts, halkaas oo uu Allaah ciqaab xagga cirka ah uga keenay waxay ugu yeeraan dadka isku jinsiga ah, kuwaas oo xilligaasi ku howlanaa waynaynta ficilladooda foosha xun.
Muuqaalkan ayaa muujinayay dhismaha ugu dheer ee ay ka kooban tahay kaniisadda oo ay tiirarkiisu u kala daadanayaan si aan horay loo arag, taas oo ay dadka qaarkii ku tilmaameen, inay tahay cadaab xagga alle uga yimid dadka ku kaca ficilladii lagu halaagay qowmkii nabi Luudh Calayhi salaam.
Dadka falanqeeyay arintan ayaa tilmaamay in tani ay tahay cadaab xaga samadda ah kaga yimid dadka ku kaca ficilada foosha xun, waxayna soo xiganayeen muuqaal uu baahiyay telefishanka ABC News, iyagoo tilmaamay in xafladdaas uu ciqaabka ku yimid ay dadka loo yaqaan LGBTQ cinwaan uga dhigteen “bishii qowmu Luudka”.
