Saraakiil ka tirsan booliska dowladda saliibiyadda ah ee Kenya ayaa ka hadlay weerar weerar culus oo lala beegsaday saraakiil caan ah oo ka tirsan ciidamada gaarka ah ee dowladda Kenya.
Booliska ayaa war uu soo saaray ku sheegay in weerarka oo ahaa mid dhabb-gal ah ay rag ka tirsan mujaahidiinta Al-shabab la beegsadeen gaari ay wateen saraakiil caan ka ah ismaamulka Mandheera ee ka mid ah dhulka NFD ee ku hoos jira gumeysiga saliibiyiinta Kenya.
Saraakiishan ayuu boolisku sheegay in weerarka uu ku qabsaday xilli ay marayeen meel waqooyi ka xigta Mandheera una dhow xuduud beenadka u dhaxeeya Somalia iyo Kenya, gaariga la beegsaday oo noociisu ahaa Landcruiser ayuu booliisku tilmaamay in lala helay gantaal ay weerarka u adeegsadeen mujaahidiinta.
Ugu yaraan hal sarkaal oo ka tirsan ciidanka jawaab celinta deg degga ee dowladda Kenya ayuu booliisku sheegay in lagu dilay weerarka, halka 2 sarkaal oo kalena ay dhaawacyo halis ah soo gaareen, kuwaas oo dhaawacyadooda loola cararay xarumaha caafimaadka ee dowladda Kenya.
Wargayska The Star ee kasoo baxa Kenya ayaa dhankiisa sheegay in saraakiishan ciidan ay roondo ka hayeen xuduud beenaadka, balse uu qabsaday weerar culus oo aysan filaynin, wuxuu intaas ku dartay in raggii mujaahidiinta ahaa ee weerarkaasi gaystay ay si nabad ah goobta kaga dhaqaaqeen.
Booliska ayaa sheegay in weerarkan oo dhacay jumcihii shalay uu kusoo beegmay xilli xassaasi ah, oo uu xoghayaha arrimaha gudaha iyo maamulka qaranka ee dowladda Kenya ninka lagu magacaabo Kithure Kindiki uu booqasho ku joogo Ismaamulka Gaarissa, si uu xog-wareysi dhanka amaanka ula yeesho saraakiisha ugu sarreysa ammaanka iyo sirdoonka dowladda Kenya ugu magacaaban gobolka loo yaqaan waqooyi bari ee NFD.
Dhowaan ayay ahayd markii ay mujaahidiintu dagaal xooggan ku qaadeen fariisin ay ciidamada Kenya ku leeyihiin deegaanka Dhamase oo hoostaga degmada Lafey ee gobalka Mandheera, Weerarkaas waxaa kasii horreeyay weerar kale oo ay ciidanka mujaahidiintu ku qaadeen fariisin ay deegaanka Guuti ee gobolka Mandheera kaga sugnaayeen maleeshiyaadka Home-Guard oo ah ciidamo ay tabobaratay dowladda Kenya, kaas oo lagu dilay 1 askari, kaas oo ay meydkiisa uga carareen goobta dagaalka, waxayna mujaahidiintu sidoo kale weerarkaasi kusoo qaniimaysteen qori iyo booshkiisa.
