George Musamali oo ah falanqeeya u dhashay waddanka Kenya ayaa waraysi uu siinayay mid ka mid ah Tv-yada kasoo baxa dalkaasi ku sheegay in ciidanka saliibiyiinta Kenya ay Soomaalia isaga baxayaan iyagoo aan xaqiijin ahdaaftooda muddo 12 sano ah kaddib.
Waxuu carabaabay in bixitaanka ciidanka saliibiyiinta Kenya ay Soomaaliya uga tagi doonto xaalad ka xun tii Maraykanka uu kaga cararay waddamada Afghaanistaan iyo Fiidnaam.
“Dhanka amniga, waxaana Soomaaliya uga baxaynaa xaalad xun sida Mareykanka uu uga tagay Afghanistan iyo Vietnam” ayuu yiri.
Isagoo hadalkiisa sii wata George Musamali ayuu sheegay in la joogo wakhtigii ay ciidamadooda isaga bixi lahaayeen dalka, Soomaaliduna ay arimahooda xalisan lahaayeen ““Waxaan u baahanahay inaan fursad u siinno Soomaaliya si ay u xaliyaan arrimahooda gaarka ah. Waxaa la gaaray waqtigii aan ka bixi lahayn oo aan eegi lahayn sida ay u wajihi doonaan arrimahooda gudaha,”
Dhanka kale ayuu sheegay in bixitaanka ciidankooda ee Soomaaliya ay keeni karto dulduleelo xagga amniga ah oo Kenya soo wajaha, maadaama uu sheegay in Kenya ay xuduud beenaad dheer la wadaagto Soomaaliya.
Hadalka falanqeeyahan Keenyanka ah ayaa ku biiraya qiraallo isdaba joog ah oo ka imaanayay cadawga dalka kusoo duulay oo qirayay in ay ku fashilmen ahdaaftii ashahaado ladirinimo ay ugu soo duuleen Somalia, xukumada Ridada ay dhoodhoobeene ay mari doonto waddadii ay martay xukumadii Riddada Afgaanistaan, 15 sano kaddibna natiijada dagaalka ay kusoo dhammaan doonto iyagoo dalka isaga cararay iyo dalka oo gabi ahaantiis laga hergaliyay shareecada islaamka.
